關於寵物疫苗

好多人會係其他城市買貓貓狗狗返黎香港飼養，而好多寵物主人都會收到一張針卡，我地甚至見過，2個月大的BB已經完成3次疫苗注射。

但黎到香港之後，發現所有獸醫診所都唔承認呢個針卡，點解？

首先，唔同城市的流行病有機會唔同，所以疫苗最好打自己城市的比較適合

第二，貓貓/狗狗2個月内，身體内都仲有媽咪的抗體，而疫苗係【抗原】，當抗原進入一個本身充滿【抗體】身體，當然會立即被【消滅】，所以呢個時候的疫苗，係無效疫苗，甚至可能產生身體負擔。

貓貓/狗狗通常，會係第二個月開始，媽咪的抗體慢慢消失，呢個時候開始施打第一針，先係佢自己身體免疫系統被啓動，去對抗【抗原】而產生屬於他自己的【抗體】，才能真正對身體產生保護作用。

至於，點解一定要打三次呢？ 呢個問題比較複雜少少，因爲每一隻BB體内的抗體消失時間唔同，所以連續2-3次，直到4個月大，會係最穩陣

關於寵物疫苗，你還有什麽疑問嗎？