花枝鼠腫瘤

花枝鼠因為聰明、性格親人、體型較大，一直都好受主人歡迎，是好多人心目中理想嘅陪伴寵物。

今日嘅主角係一隻後背長咗一粒腫瘤的鼠鼠，腫瘤愈長愈大，仲開始破皮，經過全面檢查佢嘅身體狀況同腫瘤嘅侵略程度之後，我哋為佢安排咗手術切除。

手術到而家差唔多一個半月，主人回報佢生活正常、精神良好，傷口完全癒合，毛都已經開始生返出嚟，小編好欣慰

—

 花枝鼠常見嘅腫瘤類型

臨床上比較常見嘅包括：

 乳腺瘤

可以喺由頸到腿窩整個腹側範圍出現，而且**好易反覆生**。

 脂肪瘤

 皮脂腺腫瘤

 纖維肉瘤

部分腫瘤係良性，但有啲就相對惡性。不過即使係良性，亦有機會：

* 影響活動

* 壓住附近器官

* 擦損、出血

* 甚至引致感染

都會為身體帶來額外負擔。

 咩時候需要處理？

無論腫瘤係大定細、良性定惡性，最重要係盡早同你嘅獸醫師討論，評估需唔需要手術或者其他治療。

越早發現、越早處理，動物嘅舒適度同預後都會好好多。

—

如果你發現屋企嘅花枝鼠摸落有硬塊，記得帶返去畀獸醫師檢查吓喇